Batumi hava limanında İsrail fırıldaqçısı Saymon Levayev, “Tinder fırıldaqçısı” kimi tanınan şəxs saxlanılıb.
«Qazeta.Ru» xəbər verir ki, bu barədə Gürcüstanın “Rustavi-2” telekanalı ölkənin Daxili İşlər Nazirliyinə istinadən məlumat verib.
KİV-in məlumatına görə, Levayev beynəlxalq axtarışdadır.
Əsl adı Şimon Xayut olan Saymon Levayev bütün dünyada onlarla qadını aldatmış beynəlxalq fırıldaqçı kimi tanınır. O, Tinder tətbiqində tanış olur, özünü almaz maqnatının oğlu kimi təqdim edərək, yüksək həyat tərzini – özəl təyyarələr, baha otellər, dizayner geyimləri nümayiş etdirirdi. Qurbanların etibarını qazandıqdan sonra Levayev onlardan “düşmənlər” tərəfindən təhdid edildiyi və ya müvəqqəti maliyyə çətinlikləri olduğu bəhanəsi ilə böyük məbləğdə borc almağa inandırırdı.
Jurnalist araşdırmalarına görə, bu üsulla o, qadınlardan milyonlarla dollar ələ keçirmişdi.
2019-cu ildə onu Yunanıstanda saxlayıb, saxta pasportla tutmuş və İsrailə ekstradisiya etmişdilər. Orada o, fırıldaqçılıq və sənədlərin saxtalaşdırılması üçün beş ay həbs cəzası almışdı.
Buna baxmayaraq, azadlığa çıxdıqdan sonra Levayev ictimai həyatını davam etdirmiş və hətta öz skandal populyarlığını kommersiyalaşdırmağa cəhd etmişdi.
