Birləşmiş Ərəb Əmirliklərinin Prezidenti Şeyx Məhəmməd bin Zayed Al Nahyan Prezident İlham Əliyev ilə birlikdə Azərbaycana rəsmi səfər çərçivəsində Qarabağ regionu ilə tanış olmağa davam edir.
Bu gün, 16 sentyabr, dövlət başçıları azad edilmiş ərazilər üzrə birgə səfər ediblər. Liderlərin marşrutu Füzuli şəhərindən Şuşa istiqamətində olub.
Azərbaycanın mədəni paytaxtına doğru yol boyu prezidentlər dayanaraq, o cümlədən Daşaltı kəndinin gözəl mənzərələri fonunda birgə foto çəkdiriblər. İki ölkənin liderlərinin Qarabağın simvolik mənzərələri fonunda çəkilmiş birgə fotosu səfərin yadda qalan anlarından biri olub.
