Azərbaycan və Böyük Britaniyanın Uorvik Universiteti bərpa olunan enerji üzrə birgə proqram inkişaf etdirirlər.
Report-un verdiyi məlumata görə, bunu universitetin strateji inkişaf üzrə direktoru Qaret Roberts Bakıda Avrasiya Universitetləri Sammitində bəyan edib.
«Elm və Təhsil Nazirliyi və Azərbaycan Dövlət Neft və Sənaye Universiteti ilə bərpa olunan enerji üzrə ikili diplom proqramını həyata keçirdiyimiz tərəfdaşlıqla xüsusilə fəxr edirik», — deyib.
Onun sözlərinə görə, belə layihələrin uğuru bütün iştirakçıların uzlaşması və münasibətlərdə bərabərlik sayəsində əldə edilir.
«Disbalansın olmaması və hər tərəfdaşın öz güclü sahəsində işləyə bilməsi vacibdir. Böyük Britaniyada biz bərpa olunan enerji sahəsində kifayət qədər irəliyik, Bakıda isə enerji sektorunda dərin biliklər var. Məqsəd bu güclü tərəfləri birləşdirməkdir», — Roberts izah edib.
