Azərbaycanda 2025-ci ilin yanvar-avqust aylarında neft məhsullarının istehsal həcmi dəyər ifadəsində 3 milyard 562,5 milyon manat təşkil etdi ki, bu da 2024-cü ilin müvafiq dövrünün göstəricisindən 0,1% azdır.
Verilən məlumata görə, 2025-ci ilin yanvar-avqust aylarında istehsal olunmuş avtomobil benzininin həcmi 946,4 min ton (2,8% azalma) təşkil etdi, kerosinin həcmi isə 463,1 min ton (7,5% artım) oldu.
Bundan əlavə, hesabat dövrü ərzində qazoyillərin (dizel yanacağı) istehsal həcmi 1 milyon 628,8 min ton (4,1% artım), mazutun – 57,6 min ton (2,2 dəfə artım), sürtgü yağlarının – 25,1 min ton (42,8% azalma), mayeləşdirilmiş qazların – 150,9 min ton (13,9% artım), neft bitumunun – 159,5 min ton (9,3% azalma), neft koksunun – 149,8 min ton (8,2% artım) oldu.
2025-ci il 1 sentyabr tarixinə anbarlarında 53,2 min ton avtomobil benzini, 49,9 min ton kerosun, 158 min ton qazoyil, 1,6 min ton mazut, 1,8 min ton sürtgü yağı, 1,5 min ton mayeləşdirilmiş qaz, 8,6 min ton neft bitumu və 48,6 min ton neft koksu var idi.
Eyni zamanda, Dövlət Gömrük Komitəsinin məlumatına görə, Azərbaycan hesabat dövrü ərzində 438 min 660,24 ton müxtəlif neft məhsulları ixrac etdi ki, bu da 2024-cü ilin müvafiq dövrünün göstəricisindən 3,6% çoxdur. İxrac olunmuş məhsulların dəyəri 233 milyon 305,78 min ABŞ dolları təşkil etdi (15% azalma). İxracın payı hesabat dövrü ərzində Azərbaycanın ümumi ixracının 1,37%-ni təşkil etdi (2024-cü ilin yanvar-avqust aylarında – 1,5%).
Həmçinin yanvar-avqust aylarında 125 min 203,71 ton neft koksu (20,2% azalma) 38 milyon 337,15 min ABŞ dolları dəyərində (2,9 dəfə artım), habelə 4 min 290,61 ton neft bitumu (4,7 dəfə artım) 1 milyon 122,31 min ABŞ dolları dəyərində (6,6 dəfə artım) ixrac olundu.
