Yeni tədris ili ilə əlaqədar olaraq Bakı şəhərindəki Müqəddəs Arxangel Mikhail kilsəsi, “Güvən Xeyriyyə” ictimai birliyi və sponsorların dəstəyi ilə “Salam, məktəb!” xeyriyyə aksiyası keçirilib.
Rusiya Pravoslav Kilsəsinin Bakı və Azərbaycan Yeparxiyasından bildirilib ki, tədbir çərçivəsində yeparxiyanın xeyriyyə və sosial xidmət şöbəsinin rəhbəri, Mikhail-Arxangel məbədinin keşişi, arxipresviter Mefodi Əfəndiyev və ictimai birliyin rəhbəri Nigar Bayramlı Cəlilabad şəhərinə səfər edərək Gündüz Qayğı və Reabilitasiya Mərkəzinin tərbiyəçiləri və aztəminatlı ailələrin uşaqları ilə görüşüblər.
