Ermənistan parlamentinə 27 yanvarı “Yad etmə və matəm günü” elan edən qanun layihəsi təqdim olunacaq.
Caliber.Az xəbər verir ki, bunu Ermənistan Milli Məclisinin vitse-spikeri Ruben Rubinyan bildirib.
«Əziz dostlar, yaxın günlərdə Milli Məclisin deputatı Geqam Nazaryanla birlikdə 27 yanvarı “Yad etmə və matəm günü” elan edən qanun layihəsini təqdim edəcəyik.
Bizə elə bir xüsusi gün lazımdır ki, bütün dövrlərin döyüşlərdə həlak olanlarının xatirəsini yad edək və Vətən uğrunda şəhid olanların qarşısında baş əyək.
Qanun layihəsinə əsasən, bu gün 27 yanvar olacaq, 28 yanvarda isə, adətən olduğu kimi, davam edən həyatın və iradənin simvolu kimi Ordu Günü qeyd olunacaq», – o, Facebook səhifəsində yazmışdır.