Qaqa şəhərində (Niderland) De Vaillant teatrının səhnəsində böyük Azərbaycan bəstəkarı Üzeyir Hacıbəyovun 140 illiyinə həsr olunmuş “Leyli və Məcnun” operasından parçalar səsləndirilmişdir.
Azərtac-ın məlumatına görə, tədbir Azərbaycan Diaspora Komitəsi və “Odlar Yurdu” cəmiyyətinin dəstəyi ilə təşkil olunmuşdur. Tədbirdə Niderlandda akkreditə olunmuş diplomatik korpusun üzvləri, həmçinin ölkənin müxtəlif şəhərlərindən olan azərbaycanlı diaspora nümayəndələri iştirak etmişlər.
“Odlar Yurdu” cəmiyyətinin sədri Firangiz Bağırova çıxışında böyük bəstəkarın həyat və yaradıcılığı, eləcə də “Leyli və Məcnun” operası haqqında tamaşaçılara məlumat vermişdir.
Bundan sonra Azərbaycan Respublikası və Niderland Krallığının dövlət himnləri səsləndirilmiş, Vətən uğrunda canlarını fəda etmiş qəhrəmanların xatirəsi bir dəqiqəlik sükutla yad edilmişdir.
Azərbaycan Respublikasının Niderlanddakı səfiri Məmməd Əhmədzadə də tədbir barədə öz təəssüratlarını bölüşmüşdür.
Leyli partiyasını Azərbaycan Opera və Balet Teatrının əvvəlki solisti Vüsalə Cabbir, Məcnun rolunu isə Arif Babayevin şagirdi Naxmətağa Əliyev ifa etmişlər. Onları tar ifaçısı Cavid Salimov və pianist Sabinə Məmmədova müşayiət etmişlər.
Konsert sonunda iştirakçılar təəssüratlarını bölüşmüş və xatirə fotolarını çəkdirmişlər.
