Avropa Komissiyası 2026-cı ilə qədər (əvvəlki planlara nisbətən bir il tez – Red.) Rusiya qazının bütün alışlarını dayandırmağı və Rusiyanın sanksiyalardan yayınmaq üçün istifadə etdiyi bank və kriptovalyuta kanallarının fəaliyyətini bloklamağı planlaşdırır.
Politico-nun məlumatına görə, sənəd Rusiyanın 2022-ci ildə Ukraynaya tam miqyaslı müdaxiləsindən bəri 19-cu AB sanksiya paketini müəyyən edir. Əsas diqqət Rusiyanın maliyyə şəbəkələrinə, enerji ixracına və gizli ticarət marşrutlarına yönəldilib.
«Rusiya maye təbii qazından imtina etmənin məqsədi Rusiyanın yanacaq ixracından gələn gəlirlərini daha da azaltmaq, onun Ukrayndakı qanunsuz hərəkətlərinin dəyərini artırmaq və Rusiyanı təcavüz müharibəsini dayandırmağa maksimum təzyiq etməkdir», – sənəddə qeyd olunur.
Təklif ABŞ prezidenti Donald Trampın Avropaya Rusiya enerji daşıyıcılarını almamağa çağırışından bir neçə gün sonra meydana çıxdı.
Eyni zamanda, sənədin Macarıstan və Slovakiya tərəfindən müqavimətlə qarşılanacağı gözlənilir, çünki hər bir sanksiya paketinin qəbul edilməsi AB üzv ölkələrinin yekdil dəstəyini tələb edir.
