Azərbaycan Respublikasının Baş nazir müavini Şahin Mustafayev İran İslam Respublikasına səfəri zamanı İran İslam Respublikasının Milli Təhlükəsizlik Şurasının katibi Əli Laricanilə görüşüb.
Nazirlər Kabinetinin məlumatına görə, Şahin Mustafayev yeni katibə təyinatı münasibətilə təbriklərini çatdırıb və gələcək fəaliyyətində ona uğurlar arzulayıb.
Görüşdə iqtisadi əməkdaşlıq və regional təhlükəsizlik məsələləri ətrafında fikir mübadiləsi aparılıb, “Şimal-Cənub” və “Şərq-Qərb” nəqliyyat dəhlizlərinin, o cümlədən Azərbaycan və İran arasında həyata keçirilən Araz dəhlizi layihəsinin və digər birgə layihələrin əhəmiyyəti vurğulanıb.
