Azərbaycan Mərkəzi Bankı bu gün, 25 sentyabrda, əhalinin maliyyə vəziyyətini öyrənmək üçün yeni genişmiqyaslı layihənin – müntəzəm sorğunun başlanğıcını elan etdi. Təşəbbüsün məqsədi ölkədəki iqtisadi əhval-ruhiyyəni dəqiq müəyyən etmərk və makroiqtisadi proqnozlaşdırmanı yaxşılaşdırmaqdır.

Rübdə bir dəfə rəqəmsal formatda aparılacaq tədqiqat çərçivəsində, Mərkəzi Bankın mütəxəssisləri ev təsərrüfatlarının maliyyə davranışını və niyyətlərini öyrənəcəklər. Suallar yalnız istehlak xərclərinə deyil, həm də vətəndaşların borc yükünün səviyyəsinə, habelə şəxsi maliyyə vəziyyəti və ölkə iqtisadiyyatı ilə bağlı gözləntilərə toxunacaq.

Sorğuda iştirak könüllüdür, bütün əldə edilən məlumatlar tamamilə anonim olacaq. Mərkəzi Bankda vurğuladılar ki, respondentlərin konfidensiyallığı təmin ediləcəkdir. İştirakçıların seçimi gəlir səviyyəsi, məşğulluq sahəsi və təhsil kimi müxtəlif sosial meyarlara əsasən aparılacaq ki, nümunənin nümayəndəliyi təmin edilsin.

Mərkəzi Bankın statistika departamentinin rəhbəri Səmir Nəsirovun sözlərinə görə, toplanmış məlumatlar tənzimləyicinin proqnoz modellərinin əsasını təşkil edəcəkdir. Ailələrdəki real maliyyə vəziyyətini anlamaq Mərkəzi Banka ölkə iqtisadiyyatının sabitliyini qorumaq üçün daha əsaslandırılmış və vaxtında qərarlar qəbul etməyə imkan verəcəkdir.