Red Bull komandası üçün məsləhətçi Helmut Marko Azərbaycan Qran-Prisində keçirilən yarışa optimist baxır.
Report xəbər verir ki, təcrübəli mütəxəssis bildirib ki, Maks Verstappenin İtaliya Qran-Prisində qələbəsindən sonra Red Bull digər yarışlarda da rəqabət edə bilər.
«Bakıya və bu sürətli yollara çox optimistəm. Singapur yeganə yarışdır ki, hələ də orada qələbə qazana bilməmişik və yavaş yollar üçün biraz çətindir. Amma hazırda hər şeyin mümkün olduğuna inanıram. Əgər tempi saxlaya bilsək, əksər yollarda rəqabət edə bilərik», – deyə Marko qeyd edib.
Qeyd edək ki, Azərbaycan Qran-Prisi 19-21 sentyabr tarixlərində keçiriləcək.
2025-ci il çempionatında 16 yarışdan sonra dörd dəfə dünya çempionu Maks Verstappen üçüncü yerdə qərarlaşıb və 230 xalla lider – McLaren pilotu Oskar Piastri-dən 104 xal geri qalır.
